Paroles de

Nanna di u Cuscionu

Berceuse corse. Une version française est disponible sur Canto : https://projet-canto.fr/chants/berceuse-corse/

Appréciation Pas encore de vote

Difficulté Pas encore de vote

0

Proposer un chant

1 – In li monti di Cuscionu
V’era natu una zitedda
È la so cara mammona
Li facia la nannaredda
È quand’ edda l’annannava
Stu talentu li prigava.

2 – Addurmenta ti parpena
Aligrezza di mammona
Ch’aghju da allestì la cena
È da cusgia li pilona
Pa u to tintu babbareddu
È par li to fratiddoni.

3 – Quand’è vò sareti grandi
Vi faremu lu vistitu
La camisgia, lu guneddu
È l’imbustu ben’ varnitu
Di stu pannu sfinazzatu
Chì si tessi scarticciatu.

4 – Vi daremu lu maritu
Addivatu à li stazzali
Un biddissimu partitu
È sarà lu capurali
Di li nostri muntagnoli
Picuraghji è capraghjoli.

5 – Quandu andareti spusata
Purtareti li frineri
N’andareti in cavalcata
Cun tutti li mugliacheri
Passareti insannicciata
À caramusa imbuffata.

6 – Quandu arriveti à lu stazzu
Duva avareti po da stà ni
Surtarà la suciarona
È vi tuccharà la mani
È vi sara prisintatu
Un tineddu di caghjatu.

Ce clic contacte YouTube : l'adresse IP peut être transmise à Google et l'autorisation est mémorisée six mois. Gérer mes cookies

Retrouvez ce chant dans :