Lou clouquié

Ol miecht dé moun poulit bi latché
Lou fier clougnié dé moun peïs,
Din leis nibouls bol Porodis,
Quillo se crous din lou fulatché
Courno lou pastré d’un trounel
Sembto gué gardé lous fournels.

Sa granda votz tot’argentada
Canta la jòia, e mai las plors
E dins las planas d’alentorn
Quand la bisa l’a engrunda
Lo ser quand res boja pas pus
Al cloquièr tinda l’angelus.

De temps en temps las campanetas
Sonan un èr de festanal
Sus cada brèç e cad’ ostal
Als pichonèls que fan risetas
Coma a Nadal, los carilhons
S’espandissan dins los valons.

Quand le Catin de la Clapièra
Se maridèt ambe Joanon,
Fostre ! me diretz pas de non,
Dins la parròquia tot entièra
Las tres campanas a grand trèn
Entonèron un bèl refrenh.

Lo ser de totsants cad’ annada
Ausiretz lo cloquiièr plorar
Los paures morts qu’an enterrats
E que perség nòstre pensada
Coma quand ploran as mamas
Lo vièlh cloquièr sona lo clas

Quand partiretz per un voiatge
Luènh del païs e de l’ostal
En prenguent lo darrièr viral
Agacharetz vòtre villatge,
Veiretz son cloquièr dins lo cèl
Amb une grema al fons de l’uèlh.