An hini gozh eo va dous,
An hini gozh eo sur!

Ha koulskoude war a welan,
An hini yaouank ar vravañ, 

An hini yaouank a zo koant.
An hini gozh he-deus arc’hant;

Me ne ‘z an morse d’ar marc’had
Piv ‘ro din-me va boutailhad.

An hini gozh am c’hondu mat.
An hini gozh a zo d’am grad.

Ha koulskoude e-barzh e kêr,
An hini yaouank a garer.

An hini yaouank zo ken plom,
An hini gozh un tammig kromm.

An hini yaouank zo lijer,
An hini gozh a zo pounner!

An hini gozh he-deus blev gwenn
An hini yaouank blev melen

An hini gozh liv radenn sec’h,
An hini yaouank liv an erc’h.

Liv an erc’h eo, mez he ken yen:
Ne ra hogozik sell ouzhin!

Ha koulskoude, n’ouzon perak,
Va c’halon ‘ra tik-tak, tik-tak!

Tik-tak a ra va c’halon paour
Pa ‘z an da skeiñ war doull an nor.

Tec’h alese, tec’h kuit, tec’h pell!
An hini gozh a zo kant gwell!

An hini gozh eo kant gwell;
Ne ra ket tailhoù dimezel.

Dianket an dimezelled!
Dianket e teir rann ar bed!

Dimezelled ne reont bepred,
Nemet goap eus ar Vretoned.

Pa daolan dorn war benn he glin,
An hini gozh a c’hoarzh ouzhin.

An hini gozh ‘zo Bretonez.
An hini yaouank ‘zo Gallez.

Fae eo gand ar Gall brein,
Gand kroc’henn an diaoul war e gein!

Fae eo gand ar C’hallez;
Ganti kerniel en he botez!

Goude tri deiz eo skuiz peb den
Gant glav, avel ha merc’h estren.

Mar gomzit a briedelezh,
Komzit din eus ar Vretonez!

Ne lakin van pa vo laret
Eo ar Vretonez gwrac’hellet.

Evitañ da vezañ gwrac’hellet,
An aval blaz fall ne ‘neus ket.

Bezet droug gand neb a garo,
Troc’het an ed, dornet e vo !

Bezet droug gant neb a garo,
Ma dous ha me, ni eureujo;

Ni gousko en ur gwele kloz
War ar pell fresk, bemnoz, bemnoz!

Na pa ve ker koz hag ar bed,
Ganin e vezo gwalennet.

An hini goant, eo va c’hoant
An hini goant, eo sur !