Paroles de

Mi ne vogu / Mi ne vocu

Auteur : Jean-Yves Acquaviva Traduction : Je m’en vais avec les écumes qui s’en vont blanchir l’horizon Portées par la mer, cet éternelle pérégrine Avec les neiges qui restent accrochées aux monts…

Appréciation Pas encore de vote

Difficulté Pas encore de vote

0

Proposer un chant

1 – Cù e sciume chì vanu à imbiancà l’orizonte
Purtate da u mare peregrinu eternu
Cù e neve chì stanu appese à i monti
Carezze di silenziu rigalu di l’inguernu

Cù l’omu spiranzosu fighjendu a spirata
Chì vene à risplende mezu à u timpurale
Cù l’ansciu silenziosu di a chieta attrachjate
Quandi a luna accende u più altu sciappale

(Ripigliu/Refrain) Mi ne vocu à cantà
E fureste di sole, i chjassi di u sperà
Eppò l’eternità
Mi ne vocu à cantà
E fureste di sole, i chjassi di u sperà
Eppò l’eternità, eppò l’eternità

2 – Cù l’acellu quassù in lu celu turchinu
Duve và solu, solu un nulu andarice
Cù u tempu dinù missageru divinu
Chì tramanda l’idea d’un mondu più felice

Cù u ventu istrosu chì gira centu mondi
Basgendu ogni sarra di e so dolce lapre
Cù u fiume furiosu chì và mezu à e sponde
È l’immensa dulcezza di u fiore chì s’apre

(Ripigliu/Refrain)

3 – Cù l’ochji illuminati da i ghjorni d’aprile
Impastati d’amore è carchi d’asgiatezza
Cù i cori infuriati da u sintimu suttile
D’appartene à a tarra è à e so billezze

Cù l’omu incatenatu privu di stellaria
À l’ora chì a notte stende u so reame
Cù u sognu strappatu in cerca d’armunia
Chì scianchighjendu và versu l’alba chì chjama

(Ripigliu/Refrain)

Mi ne vocu à cantà
E fureste di sole, i chjassi di u sperà
Eppò l’eternità
Eppò l’eternità

Ce clic contacte YouTube : l'adresse IP peut être transmise à Google et l'autorisation est mémorisée six mois. Gérer mes cookies

Retrouvez ce chant dans :

Chants Corse : Musique traditionnelle et folklore