Pèr noun langui long dou camin
Counten quauco sourneto,
Sus lou fifre e lou tambourin
Disen la cansouneto
Canten Nouvè Nouvè Nouvè
Nouvè sus la museto
Canten Nouvè nouvè Nouvè
Nouvè sus la museto
Ai d'iou de farino e de la
Emai uno casseto
S'avièu de fiè i'aurièu lèu fa
Uno bono soupeto.
Canten Nouvè...
Aven pourta de merlussoun
Emai un bon aioli
De rasin sè e de meloun
Pièi uno poumpo a l'oli
Canten Nouvè...
Vaqui n'encaro de nougat
De figo proun secado
De bon vin cue pèr acaba
E faire la chamado
Canten Nouvè...
L'enfant es fre coume de glas
Pourgés-me l'escaufeto
Tenès caufras-iè soun pédas
Coumaire Guihaumeto
Canten Nouvè...
Nautri li pastre dóu cantoun
Un agnelet bèn sàgi
Que caufara vosti petoun
Vuei sara nost'óumagi
Canten Nouvè...
Bono Vierge Maire de Dièu
Bello e jouino bruneto
Nautro vous anan dire adièu
Vous laissan pas souleto
Canten Nouvè...
La Newsletter du Terroir
Abonnez-vous pour recevoir chaque semaine :
- Des chants traditionnels et populaires issus de toutes les régions françaises
- Des histoires captivantes sur notre patrimoine musical et culturel
- Des informations exclusives sur les événements locaux ou l’on chante !
- Des playlists thématiques pour animer vos moments de partage et de convivialité
