1 – U sole brusgia a l’orizonte
A dolci raghji scalda e fronte
Ind’ a campia u ventu voca
E d’ogni silenziu si ghjocca
Quassu a nant’a e culline
U core pienu quasi a schiattà
L’omi sò pronti a ghjunghja fine
Per difendere a so libertà

(Ripigliu/Refrain) Incu a forza immensa di una mossa cumuna
Pè mughja all’inglese chìissa terra, un s’ affunà
E chi regnanu quì u sole cu a luna
Chi regnanu quì u sole cu a luna

2 – U sole luce a u celente
Pianu pianu infrebba e mente
Ind’a campia u ventu voca
E ogni silenziu s’ allocca
E a bataglia si scatena
Si tumbà per ùn esse tombu
U farru contru a u farru mena
Sin’a cunfunde voce e ribombu

3 – U sole more a l ‘orizonte
Si piatta darettu a u monte
U ventu alliscia a campía
A nebbbia s’ hè fatta pisía
Solu pè rompe u silenziu
E da fiatu a mio musa
Cume un ultimu licenziu
Si lagna una caramusa

4 – Dumane e sole a l ‘orizonte
Brusgiara da scalda e fronte
Ind’a campia assirinata
Ci vucara ogni vintata
Diceranu voce e ribombu
Adduniti a l’eternità
Perch’è tumbà o esse tombu
Pè difendi a so libertà