Un joen pastor quitava
Son pèis e sas amors
E com aquo cantava
Sas penas e dolors
Adiu simple cabana
Qui m'(a) vist au capceron
Que me'n voi ta la plana
Dinc a l'aute seson
Adiu donc ma bergèra
Bergèra ma gaujor
Que quiti la heuguèra
De l'on hasèm l'amor
Los suenhs de mas aulhetas
M'apèran tà Bordeu
Adiu mas amoretas
Que tornerèi batléu
Rossinhou qui gorguejas
Près d'aqueth arribet
Qui tostemps amorejas
Hens aqueste bosquet
Temuenh de ma tendressa
Tu qui ved(e)s lo men goei
Velha que ma mestrèssa
No'm traheisca jamei
Que t'esàs dab Anneta
Pigon b'ès donc uros
Près de l'amistoseta
Guarderàs los motons
E jo tà l'arribera
Ailàs voi donc languir
E luenh de ma bergèra
De dolor voi morir
Si cau fenir sa canta
Lo maluros pastor
De sa plenta tocanta
Lo monde s'esmavo
Que quiti lo vilatge
En regretant Anna
Mes ailàs la volatge
Va léu cambiar d'amor
La Newsletter du Terroir
Abonnez-vous pour recevoir chaque semaine :
- Des chants traditionnels et populaires issus de toutes les régions françaises
- Des histoires captivantes sur notre patrimoine musical et culturel
- Des informations exclusives sur les événements locaux ou l’on chante !
- Des playlists thématiques pour animer vos moments de partage et de convivialité
