Feuille n° 0574 Paroles, partition, histoire et enregistrements
Kimiad ar soudard yaouank
Un jeune soldat fait ses adieux à la Basse-Bretagne avant un départ imposé par la loi. Il s’adresse à sa maison, à ses parents, à Marie, à son ami Yannig, puis à…
Kimiad ar soudard yaouank
Ma c’halon a zo frailhet, dre nerzh ma enkrezioù
Ma daoulagad entanet n’o deus mui a zaeloù
Deut eo, siwazh ! an devezh ma rankan dilezel
Lec’h kaer ma bugaleaj, ma bro gaer Breiz-Izel !
Keno dit, ma zi balan, kuzhet barzh an draoñienn,
Tachenn c’hlaz war behini, bugel, e c’hoarien ;
Gwez ivin ker bodennek, e disheol a bere
E-pad tommder an hañvoù e kousken da greisteiz
Keno ! keno mamm ha tad, bremañ n’esperit mui
E chomfe ho mab karet da harpañ ho kozhni
Evit gounit deoc’h bara, 'vel m’hoc’h eus graet dezhañ
Al lezenn zo didruez, ho kuitaat a renkan.
Nag a wech, ma mamm dener, e renkfet-hu leñvañ
Pa zeui ma c’hi ankeniet en-dro deoc’h da ruzañ
Pa welfot, war an oaled, ma skabellig c’houllo
Hag ar c’hevnid o steuiñ war ma fenn-bazh derv
Keno ! bered ar barrez, douaroù binniget,
Pere a guzh ma c’herent gant ar Zalver galvet ;
Da ouel an Anaon klemmus, n’in mui war ho pezioù
Da skuilhañ dour binniget mesket gant ma daeloù
Keno ! ma muiañ-karet, ma dousig koant Mari
Ur blanedenn digar a zeu d’hon glac’hariñ
Eürusted ha levenez skedus zo tremenet
'Vel en oabl ar goumoulenn gant an avel kaset
Na welin mui da lagad ker lemm ha ker laouen
O virviñ gant plijadur, e ti pa erruen,
Da zornig gwenn ken mibin o treiñ ar c’harr e dro
Da vouezh flour mui na glevin o kanañ va gwerzoù
Pa oamp er c’hatekismoù, hon-daou c’hoazh bugale,
Hor c’halonoù diskiant, e kuzh en em gleve
Dirak Gwerc’hez ar c’hroaz-hent, nag a wech he touejomp
Na erruje birviken disparti etrezomp
Yaouank ha dibreder, siwazh ! ne ouiemp ket
Nag ha bet c’hwerventez ar vuhez zo hadet
Evidomp ne oa, neuze, Lezennoù na Roue,
N’anve’emp med ul lezenn, hini ar garantez
Keno ! ma nez-amezeg, Yannig, ma gwir vignon
Kamarad ma c’hoarioù, ma breur dre ar galon
Piv a gemero bremañ lod e-barzh ma foanioù ?
Piv a gomzo ganin-me deus ar gêr hag ar vro ?
Hepdon te yelo bremañ d’ar parrezioù tostañ
Da bigosaat al leurioù 'barzh el lajoù-dornañ
Hepdon te yel da c’hounid maout ar c’hourennadeg
Da chasañ war rubannoù e-barzh er varradeg
Keno ! ma c’hazeg velen, skañv evel un heizez
Mistr evel ul logodenn, jentil vel un oanez
N’ez santin ken, dindanon, gant an hast o tripal
Ma daouarn mui ne stagint ar seizenn war da dal
Keno ! ma c’hi keazh, Mindu, ma leal kamarad,
N’efomp ken, dre ar c’hlizhenn, da glask roudoù ar c’had
Ne glevin ken, er menez, da chilpadenn skiltrus,
War ma dorn mui ne santin da deod garantezus
A-benn un nebeud amzer, kalz a vignoned yen
Barzh er soudard divroet, hep mar, ne soñjfont ket
Mes da galon-te, Mindu, n’eo ket ankouezus
Pell e ri c’hoazh va c’hañvoù, gant da yezhoù klemmus
Keno 'ta plijadurioù, leurioù-nevez, prejoù,
Nezadegoù, nozvezhoù, foarioù ha pardonioù,
Ebatoù ker birvidik, binioù zar dha sklentin,
Na drido mui va c’halon gant da sonioù lirzhin
Keno kement a garan, keno da virviken !
Pell ouzh a Vreizh me varvo, mantret gant an anken
Vel ur blantenn gizidik, evit ar vro krouet
A renk gweñviñ ha mervel, kerkent m’eo divroet .
Version la plus répandue. Des variantes existent selon les régions et les époques.
Signaler une varianteVous l’avez chanté ?
Vos votes règlent la note et la difficulté affichées en haut de page.
Donner mon avisL’écouter ailleurs
Les versions de référence, hors du site.
Il manque quelque chose ?
Une variante de votre région, une partition, une correction. Ou un chant qui n’est pas encore au répertoire.
Proposer une correction Ajouter un chantL’entendre avant de le chanter
Une version de référence pour retenir l’air avant de le reprendre.
Ce clic contacte YouTube : l'adresse IP peut être transmise à Google et l'autorisation est mémorisée six mois. Gérer mes cookies
-
ÉcouterKimiad Ar Soudard Yaouank (nouvelle fenêtre)
Kimiad Ar Soudard Yaouank
Folk Studio A
-
ÉcouterKimad ar zoudard yaouank (nouvelle fenêtre)
Kimad ar zoudard yaouank
Yann-Fañch Kemener, Aldo Ripoche · 4 min 56
-
ÉcouterKimiad Ar Soudard Yaouank (nouvelle fenêtre)
Kimiad Ar Soudard Yaouank
Folk Studio A · 3 min 28
D’où vient ce chant
Un jeune soldat fait ses adieux à la Basse-Bretagne avant un départ imposé par la loi. Il s’adresse à sa maison, à ses parents, à Marie, à son ami Yannig, puis à sa jument et à son chien Mindu. Le souvenir des fêtes et des lieux aimés accompagne sa crainte de mourir loin du pays.
Kimiad ar soudard yaouank (« L’adieu du jeune soldat ») est une chanson bretonne de Prosper Proux (XIXe siècle), également désignée par son premier vers Ma c’halon a zo frailhet. Le titre présente des variantes : Kimiadou - d’ar/eur/ur - zoudart/zoudard - iaouank/yaouanc/iaouankiz, ou Kimiad eur c’honscrit pour « conscrit ». Il est réduit à Kimiad pour la version d’Alan Stivell.
Publication en feuilles volantes citée : J. Haslé, à Morlaix.
Ce chant est dans 2 carnets
Territoires
Bretagne
Une évasion avec des variantes explicites dans Dans les prisons de Nantes ; trois couplets aux fins répétées dans Adoromp…
120 chants
Histoire de France
XIXe siècle
Berceuse d’une dentellière, plainte des canuts et récits de la Commune : plusieurs voix pour explorer la sélection du XIXe…
182 chants