Paroles de Les troupes attaquèrent un petit bollewert

1 - Le lendemain, grant compaignie
De l'ost des Françoys à Monceaulx
S'en vinrent faire ung assaillie,
Jusqu'au marché des Pourceaulx.

2 - Soubz la montaigne s'embuchèrent,
Pour illec estre à couvert,
Et, delà, gaigner s'en allèrent
D'assault un petit bollewert.

3 - D'un côté et d'autres canons
Et couleuvrines si ruaient,
Et ne voyait-on qu'empanons
De flèches, qui en l'air tiraient.

4 - Adoncques Jehanne la Pucelle
Se mist dans l'arrière fossé,
Où fist de besongner merveille,
D'un courage en ardeur dressé.

5 - Ung vireton que l'on tira
La vint en la jambe assener,
Et si point n'en desempara,
Ne s'en voult oncques tourner.